ه‌ویستی خۆت به‌هه‌رناوێك ده‌ته‌وێت ئیمه‌یڵ دروست بكه‌!

ه‌ویستی خۆت به‌هه‌رناوێك ده‌ته‌وێت ئیمه‌یڵ دروست بكه‌!
نێردراوه‌ له‌لایه‌ن هه‌رده‌

به‌ڕێزان ئه‌و سه‌ردێڕه‌ی كه‌ ناونیشانی بابه‌ته‌كه‌یه‌ به‌خوێندنه‌وه‌ی سه‌رسام نه‌بن و بڵێن شتی وه‌ها نییه‌ و چۆن ئه‌بێت به‌ویستی خۆمان و به‌هه‌رشێوازێك بمانه‌وێت ده‌توانین ئیمه‌یڵ دروست بكه‌ین؟ بۆنمونه‌ harda@harda.com
یه‌ك له‌ خزمه‌تگوازرییه‌كانی سایتی هۆتمه‌یڵ و لایڤ ئه‌وه‌یه‌ كه‌ ده‌توانی به‌ویستی خۆت و به‌هه‌رناوێك بته‌وێت ئیمه‌یڵ دروست بكه‌یت، كه‌ ڕه‌نگه‌ زۆرێك له‌ ئێمه‌ له‌م خزمه‌تگوزارییه‌ بێ ئاگابین و نه‌مانزانبێت شتی وه‌ها هه‌یه‌ له‌ناو سایتی هۆتمه‌یڵ، بۆیه‌ منیش به‌پێویستم زانی له‌ڕێی ئه‌م بابه‌ته‌وه‌ ئه‌م خزمه‌تگوزارییه‌ به‌ئێوه‌ بناسێنم تاوه‌كو بتوانن ئێوه‌ش كه‌ڵكی لێ وه‌ربگرن



له‌م ڕۆژانه‌ی پێشوو هاوڕێیه‌كه‌م باسی ئه‌و خزمه‌تگوزاریه‌ی كرد بۆم، منیش سه‌ره‌تا پێم سه‌یربوو خزمه‌تگوزاری له‌و شێوه‌ هه‌بێت زۆر قه‌ناعه‌تم به‌و شته‌ نه‌بوو، به‌ڵام كه‌ خۆم تاقیمكرده‌وه‌ و بینم ڕاسته‌و ئه‌و خزمه‌تگوزارییه‌ هه‌یه‌.
سه‌ره‌تا ده‌بێت ئیمه‌یڵێكی نوێ دروست بكه‌یت، ئیتر ئیمه‌یڵه‌كه‌ به‌هه‌ر شێوازێك بێت ئه‌وه‌ تۆ ده‌توانی دروستی بكه‌یت به‌ڵام به‌مه‌رجێك ئه‌و ئیمه‌یڵه‌ پێشتر كه‌سێك ناوه‌كه‌ی تۆمار نه‌كردبێت، بۆ نمونه‌ من ئه‌م ناوه‌م تۆماركردووه‌ (harda@harda.com). بۆیه‌ كه‌سێكی تر ناتوانێت به‌وناوه‌ ئیمه‌یڵ تۆمار بكات هه‌ر وه‌ك ئه‌و یاسایه‌ی له‌ناو ئیمه‌یڵی كۆمپانیای یاهوو هۆتمه‌یڵ و هه‌موو كۆمپانیاكانی تر هه‌یه‌، به‌ڵام ئه‌وه‌ی لێره‌دا جێگه‌ی سه‌رنجه‌ ئه‌وه‌ی تۆ به‌ویستی خۆت ئه‌توانی دوای ( @ ) هه‌رناوێك یان هه‌رپیتێك بنووسیت ئاساییه‌، بۆ نمونه‌ ده‌توانی بنووسیت (harda@computer.com) یان هه‌رشتێك به‌ویستی خۆت.
سه‌ره‌تا بۆ ئه‌وه‌ی ئیمه‌یڵێكی نوێ دروست بكه‌یت كلیك له‌سه‌ر ئه‌م لینكه‌ بكه‌:

كلیك لێره‌ بكه‌ بۆ دروستكردنی ئیمه‌یڵێكی نوێ

هه‌نگاوه‌كانی دروست كردنی ئیمه‌یڵه‌كه‌ زۆر ئاسانه‌و هه‌ر وه‌ك دروستكردنی ئیمه‌یڵ وایه‌ له‌ هۆتمه‌یڵ بۆیه‌ پێم وابێت پێویست به‌ڕونكردنه‌وه‌ نه‌كات، ئه‌گه‌ر كه‌سێك گرفتی هاته‌ پێشت ده‌توانێت له‌ یانه‌ی كوردستان پرسیاربكات.
پاش ئه‌وه‌ی ئیمه‌یڵه‌كه‌ت دروست كرد، ئیتر زۆر به‌ ئاسانی له‌ناو سایتی هۆتمه‌یڵ یوزه‌رو پاسۆرده‌كه‌ت ئه‌نووسیت بۆ كردنه‌وه‌ی ئیمه‌یڵه‌كه‌ت، یان ده‌توانیت له‌ پرۆگرامی ئێم ئێس ئێن بۆ خۆت به‌و ئیمه‌یڵه‌ تازه‌ چات بكه‌یت، ڕه‌نگه‌ هه‌ر هاوڕێیه‌كیشت كه‌ ئه‌م بابه‌ته‌ی نه‌خوێندبێته‌وه‌ به‌و ئیمه‌یڵه‌ سه‌رسام ببێت كه‌ به‌ویستی خۆت دروستت كردووه‌.
تێبینی: جێی خۆیه‌تی ئه‌وه‌ش بڵێم ئه‌وه‌نده‌ی من بزانم ئه‌م ئیمه‌یڵه‌ ناتوانیت ئیمه‌یڵی پێ بنێریت، به‌ڵكو ته‌نها بۆ چاتكردنه‌ زیاتر، چونكه‌ ئه‌گه‌ر ئه‌و خزمه‌تگوزاریه‌شی تێدا بوایه‌ و بمانتوانیایه‌ به‌هه‌مان ناو ئیمه‌یڵ بنێریت ئه‌وه‌ ئه‌وكاته‌ ئیمه‌یڵه‌ فه‌رمی و به‌پاره‌كان باویان نه‌ ده‌ماو كه‌س به‌ یه‌ك پولی قه‌ڵب نه‌یده‌ویستن.