زانستى باش خويندنى قورئان

خواى گەورە دەفەرمووێت: [ وَرَتِّلِ الْقُرْآنَ تَرْتِيلًا] (المزمل: ٤)، واتە كاتێك قورئانت خوێندەوە پیتەكانى ڕوون بكەرەوە و بە لەسەرخۆیی بیخوێنەوە، ئەمەش ناكرێت ئەگەر بە تەجویدەوە نەخوێنرێتەوە، بۆیە بە پشتیوانى خواى گەورە هەستام بە نووسینى ئەم پەرتووكە بچووكە لەم بوارەدا. ئەگەر چی لەسەر ئەم بابەتە زۆر نوسراو و دانراو هەیە، بەڵام ئەوەى سەرنجى ڕاكێشام بۆ ئەم كارە ئەوەیە چەند شتێكم لێرەدا هێناوە كە لە پەرتووكەكانى تردا یان نایبینى یان بە كەمى هێناوییەتى بە تایبەتى لە كۆتایی ئەم پەرتووكە چەند تێبینیەكى گرنگ و چەند هەڵەیەكى دووبارە كراوەى قورئان خوێنانم خستۆتە ڕوو كە بە ویستى خوا سوود و قازانجێكى زۆرى دەبێت گەر بە ووردى تێبینى بكرێت. لە كۆتاییدا سوپاس بۆ ئەو خوایەى كە شتى چاك بە نازو نیعمەتى ئەو دەستى پێ دەكرێت و هەر بە نازو نیعمەتى ئەو كۆتایی پێ دێت، وە هەر خوێنەرێكى بەڕێز هەر سەرەنجێك و تێبینیەكى هەبوو با ئاگادارم بكاتەوە، بەڵكو ئەگەر دەرفەت بوو لە چاپى تردا سەرەنج و ڕەخنەكەى ڕەچاو بكرێت و خواى گەورە پاداشتى چاكى بداتەوە.